TV Schedule

د اتصال په خپرونه کې په افغانستان کې د سواد زده کړې په وړاندې د محدودیتونو په عواملو او اغیزو او همدارنګه د پولیو د پيښو د زیاتوالي په لاملونو بحث شوی دی.

د افغانستان څخه د بې نظمه وتلو په اړه پر حکومت باندې د جمهوري غوښتونکو نیوکې او د حکومت غبرګون، د امریکا د ولسمشرۍ د ټاکنو په درشل کې د اوکراین موضوع، د اسرائیل او حماس جګړه او د غزې وضعیت، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د امریکا د استازو جرګې جمهوري غوښتونکو له افغانستان څخه د امریکايي ځواکونو د بې نظمه وتلو پړه پر حکومت اچولې خو حکومت یې لامل د دوحې تړون بللی دی. د سپینې خبرې په خپرونه کې پدې موضوع بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰