TV Schedule

دا اونۍ د ژوند په امریکا کې خپرونه کې له عطا ارغندیوال سره خبرې کوو. ښاغلی ارغندیوال هغه لیکوال دی چې د "افغانستان ناویلي خبرې" په نوم یو کتاب چمتو کړی. دا کتاب چې له دوه زرو څخه زیات انځورونه او لنډې لیکنې لري، د افغانستان د تېرو سلو کلونو پېښو ته په یوه نوي نظر ګوري او لوستونکو ته د افغانستان تاریخي پېښې په یوه تازه بڼه ورښيي.

د نړۍ او په افغانستان کې د طالبانو د حکومت پر وړاندې به د امریکا د نوي حکومت پالیسي څه ډول وي؟ د دېرش دقیقو په خپرونه کې د ډونالډ ټرمپ په مشرۍ د حکومت په نویو احتمالي پالیسیو بحث شوی.

د حایل په خپرونه کې د ژوندیو شیانو په عکسونو د طالبانو د بندیز په اړه د طالبانو د پخواني غړي سید اکبر اغا او د اسلامي همکاریو سازمان د پخواني چارواکي بشیر احمد انصاري سره بحث شوی دی.

د ګډو ګټو د خپلواکو هیوادونو سازمان د ترهګرو د مخنیوي لپاره د افغانستان په شاوخوا کې د یو امنیتي کمربند د جوړولو ملاتړ کړی. ولې ددغه سازمان غړي د افغانستان په اړه اندیښمن دي؟ د سپینې خبرې په خپرونه کې ددې موضوع په اړه بحث کیږي.

د نن او وضعیت په خپرونه کې د متحدو ایالتونو په ولسمشریزو ټاکنو کې د ډونالډ ټرمپ تر بري وروسته د واشنګټن او طالبانو په راتلونکو اړیکو او په بشپړ دول د دوحې د قرارداد په عملي‌ کیدو بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.