TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

نن د امریکا غږ په خبري‌ خپرونه کې د طالبانو په بند کې د امریکایي زندانيانو په تړاو او د خلاصون دپاره یې د چارواکو پر هڅو رڼا اچوو. ویل کېږي چی امریکایي استازو او طالب چارواکو څو ورځې وړاندې د قطر په پلازمینه دوحه کې د بندیانو پر مسئله خبرې کړېدي. د پخواني ولسمشر ډانلډ ټرمپ پر خلاف د دعوا وروستی حال درکوو او په آخر کې به مو په خيبر پښتونخوا کې د افغانانو د ګڼ بازار لیدو ته هم بوځو. هیله ده چې تر پایه زموږ سره مل واوسئ.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰