TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

نن یکشنبې د امریکاغږ اشنا په خبري خپرونه کې په افغانستان کې د طالبانو لخوا پر فیسبوک پاڼې د احتمالي محدودیت او بندیز راپور لرو. د امریکا د جمهوري ریاست په ټاکنو کې د دریم ګوند د احتمالي کاندید په اړه د رایه ورکوونکو نظرونه اورئ او په لندن کې د افغانو یتیمانو دپاره د مرستو ټولولو راپور هم ګورئ.

د طالبانو حکومت ویلي چې په افغانستان د فیسبوک د ټولنیزې شبکې د محدودولو او یا هم په بشپړ ډول بندولو لپاره یې پالیسي جوړه کړې ده. طالبان د فیسبوک ټولنیزه شبکه ولې بندوي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰