TV Schedule

د ژوند په امریکا کې ددې اوونۍ په خپرونه کې، د ویرجینیا ایالت په ارلینګټن ښار کې د صاحبي مالي خدماتو مؤسسې له رئیس او بنسټ ایښودونکي سره خبرې شوي. دا مؤسسه، چې د یو افغان لخوا جوړه شوې، نه یوازې مالي او د حسابدارۍ خدمات وړاندې کوي، بلکې افغانانو ته د کار موندنې روزنیزې برنامې هم چمتو کوي.

ټاکل شوې د ملګرو ملتونو، طالبانو او د افغانستان لپاره د یو شمیر هیوادونو د ځانګړو استازو ترمنځ د دوحې د درېیمې غونډې په دوام د کاري ډلې غونډه د قطر په پایتخت دوحه کې جوړه شي. ددې تر څنګ د دېرش دقیقو په خپرونه کې په افغانستان کې د رسنیو پر وضعیت بحث کیږي.

د حایل په خپرونه کې له افغانستان څخه د تخلیې د پروسې د برخلیک په اړه د "هیومن فرسټ" موسسې د اداري رئیس صفي رووف او د کډوالو د حقونو مبارز نثار احمد مومند سره بحث شوی دی.

ملګرو ملتونو د طالبانو لخوا د رسنیو د کارکوونکو پر نیولو اندیښنه ښودلې او د هغوی د خوشې کېدو غوښتنه یې کړې ده. طالبان په څه هدف یو شمیر خبریالان نیسي او نړیوال بنسټونه ددغو خبریالانو د حقونو د تامین لپاره څه کولی شي؟ په دې موضوع د سپينې خبرې په خپرونه کې بحث شوی.

د نن او وضعیت په خپرونه کې د نړۍ او سیمې د هیوادونو سره د طالبانو په سیاسي روابطو بحث کوو. د طالبانو د بهرنیو چارو وزارت یو چارواکی وایي چې په ترکیه کې د افغانستان د سفارت چارې روانې دي خو ددغه سفارت یو شمیر کارکوونکي چې د جمهوریت د وخت دي وایي سفارت د ترکیې په غوښتنه بند شوی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.