TV Schedule

د اتصال په دې خپرونه کې مو د سیمې هیوادونو ته د افغانستان لپاره د متحده ایالاتو ځانګړي استازي توماس ویسټ په سفر او په افغانستان کې زدکړو کیفیت په اړه د بشري حقونو د څار سازمان پر اندیښنو له میلمونو سره خبرې کړي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

پاکستان څخه د ستنېدونکو افغان کډوالو له حقونو څخه د سرغړونو په اړه تازه اندېښنې، د امریکا د مشرانو جرګه کې د اوکراین او اسرائیل سره د سپينې ماڼۍ د پیشنهاد شوې مرستې رد کېدل، د افغانو ښځو د مدني حقونو د دفاع دپاره، د سندرغاړې اریانا سعید په شمول، د یو شمیر جلاوطنه افغانو ښځو د ټولنې پرانیستنه، او د افغانستان او نړۍ نور خبرونه د امریکا غږ اشنا تلویزیون په خبري ټولګه کې وګورئ.

د سپینې خبرې په خپرونه کې په افغانستان کې پر مجرمینو د عدالت د پلي کیدو پر څرنګوالي، په دی برخه کې د نړیوالې محکمې د رول او پر مجرمینو د عدالت د نه پلي کیدو پر پایلو د کارپوهانو سره بحث شوی دی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰