TV Schedule

دا اونۍ د ژوند په امریکا کې خپرونه کې له افغان الاصلې امریکايي وکیلې سپوږمۍ ناصري سره د هغې د ژوند او تجربو برسېره، امریکا ته د تازه راغلیو افغانانو د مهاجرت د دوسیو په اړه خبرې شوي دي.

ملګرو ملتونو او ګڼو نړیوالو سازمانونو او افغانانو په افغانستان کې د طالبانو لخوا د طبي زده کړو په انسټیټوټونو کې د نجونو د زده کړو بندیز غندلی دی. د دېرش دقیقو په خپرونه کې ددې موضوع سربېره د ایران او طالبانو پر اړیکو بحث کتلای شئ.

ایا د افغان ښځو او نجونو د حقونو د سرغړونو په خاطر د طالبانو محاکمه کېدل ممکن او عملي دي؟ دغه اقدام څومره کولای شي غوښتي یا ناغوښتي په یو ډول د طالبانو د حکومت د رسمیت پېژندلو سره مرسته وکړي؟ د دې موضوع په اړه د ډیوې پتنګ او شهلا فرید نظرونه د حایل د دې اوونۍ په خپرونه کې واورئ.

د سپینې خبرې په خپرونه کې په افغانستان، سیمه او نړۍ کې د اسلامي همکاریو سازمان په افغانستان کې د طالبانو له خوا په طبي انسټیټوټونو کې د ښځو او نجونو پر زده کړو د بندیز په پریکړې ژوره خواشیني ښودلې ده. د سپینې خبرې په خپرونه کې په دې اړه بحث کتلای شئ.

یو شمیر خبریالان او مدني فعالان وایي د پاکستان په پلازمېنه اسلام اباد کې د افغان کډوالو د نیولو لړۍ دوام لري او په تیرو څو ورځو کې په لسګونه کسان نیول شوي دي. د نن او وضعیت په خپرونه کې په دې برسېره د افغانستان د کرکټ د ملي لوبډلي په راتلونکو لوبو بحث شوی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.