TV Schedule

د ژوند په امریکا په دې خپرونه کې د یو افغان د بریا کیسه اورو، چې له مهاجرت وروسته یې د موټرو د ترمیم تخنیکي مهارتونه زده کړي او خپل شخصي کاروبار یې پیل کړی دی. دا برنامه ښیي چې ځینې مسلکونه څنګه کولی شي د خپلواک تجارت زمینې برابرې کړي.

وروسته له هغه چې د امریکا ولسمشر ډونالډ ټرمپ په یو اجرائیوي فرمان کې د متحدو ایالتونو د کډوالو د بیا مېشتېدو پروګرامونه وځنډول، د افغان کډوالو په ځانګړې توګه امریکا ته د راتګ لپاره د مهاجرت د ځانګړو ویزو غوښتونکو او نورو کسانو ته اندیښنې پیدا شوې دي. د دېرش دقیقو په خپرونه کې پر دې موضوع سربېره په افغانستان کې د بشري وضعیت په اړه هم بحث شوی.

ملګرو ملتونو د افغانانو سره د امریکا د مالي مرستو د ځنډېدو په اړه اندېښنه ښودلې. د حایل په خپرونه کې ددې مسئلې او امریکا ته د کډوالو د تللو د پروګرام د ځنډېدلو په اړه د سیاسي چارو د شنونکي عبدالهادي فرهنګ او د مهاجرت د وکیلې فرشته عباسي سره بحث شوی دی.

طالبان وايي د افغانستان سره د امریکا د مالي مرستو له ځنډېدو وروسته د لسګونو موسسو کارونه بند شوي دي. د بشري مرستو احتمالي بندېدل به په افغانستان کې په خلکو څه اغیز ولري؟ د سپینې خبرې په خپرونه کې پدې موضوع بحث کیږي.

په اسلام آباد کې د کډوالو شورا وایي په دې ښار کې د افغان کډوالو د نیولو لړۍ بیا چټکه شوې ده او پولیسو په تیرو دوو ورځو کې نږدې ۴۰ افغان کډوال نیولي دي. پاکستاني چارواکي بیا وایي چې یوازې بې اسناده کډوال نیسي. د نن او وضعیت په خپرونه کې په دې موضوع بحث کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.