TV Schedule

دا اونۍ د "ژوند په امریکا کې" په خپرونه کې د افغان مسلکي سوک ‌وهونکي تابش فقيري کیسه اورو، چې د کابل له کوچنیو ورزشي مرکزونو څخه یې د امریکا مسلکي سیالیو ته لاره موندلې ده. موږ له تابش سره په تمریناتي مرکز کې یوځای شو، د هغه په زړه پورې سیالي مو له نږدې ولیدله، او له کورنۍ، دوستانو او مینه‌ والو سره مو خبرې وکړې چې د هغه د ملاتړ لپاره د سیالي د کتلو لپاره راغلي وو.

د طالبانو تر واکمنۍ لاندې د افغانستان او پاکستان اړیکي، په ۲۰۲۴ کال کې په افغانستان کې د ښځو عمده ستونزې او پر وړاندې یې د طالبانو محدودیتونه، او د افغانستان، سیمې او نړۍ نور مهم خبرونه د دیرش دقیقې په خپرونه کې وګورئ.

د حایل په خپرونه کې د ژوندیو شیانو په عکسونو د طالبانو د بندیز په اړه د طالبانو د پخواني غړي سید اکبر اغا او د اسلامي همکاریو سازمان د پخواني چارواکي بشیر احمد انصاري سره بحث شوی دی.

د خوړو نړیوال پروګرام (WFP) یو ځل بیا بې وزلو افغانانو ته د بشري مرستو د برابرولو لپاره د بودیجې په کمښت اندیښنه ښودلې دي. دا پروګرام وایي چې ۲۰۲۵ کال کې د ۱۴ میلیونو بیوزلو له ډلې یوازې اوو میلیونو ته خواړه برابرولی شي. د سپینې خبرې په خپرونه کې په دې موضوع بحث کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.