TV Schedule

د ژوند په امریکا کې ددې اونۍ په خپرونه کې د داسې یو افغان کیسه اورو چې درې کاله وړاندې امریکا ته راغلی او اوس د غاښونو په یو کلینیک کې کار کوي. ډاکټر حمید الله شکور وايي هڅه کوي خپل د طبابت اسناد د امریکا له اړینو معیارونو سره سم کړي. هغه په امریکا کې د مسلک د دوام په اړه غږېدلی.

د افغانستان په اړه د روسیې د ولسمشر تازه څرګندونې، د افغان مېرمنو سره د طالبانو د سخت چلند په اړه د نړیوالو سازمانونو اندېښنې، او د افغانستان او نړۍ نور خبرونه د ۳۰ دقیقو په خپرونه کې وګورئ.

د حایل په خپرونه کې د خیبر پښتونخوا په کورمه کې د سنیانو او شیعه ګانو ترمنځ د وروستیو خونړیو نښتو په اړه د دیني مشرانو مفتي منیر شاکر او عبدالصبور عباسي سره خبرې شوي دي.

د روسیې ولسمشر د افغانستان وضعیت پيچلی بللی او ورسره یې د قوي اړیکو هیله ښودلې. روسیه ولې له افغانستان سره د اړیکو ټینګیدل غواړي؟ په همدې موضوع د سپینې خبرې په پروګرام کې بحث کیږي.

د نن او وضعیت په خپرونه کې په پاکستان کې د افغان کډوالو د روان وضعیت او راتلونکي په اړه بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.