TV Schedule

ژوند په امریکا کې ددې اونۍ په خپرونه کې په کالیفورنیا کې له میشتو افغانانو سره د امریکا د ولسمشریزو ټاکنو په اړه خبرې شوې چې کوم مسایل ورته مهم دي او آیا د امریکا کورني او بهرني سیاستونه د دوی په رایې ورکولو باندې کوم تاثیر لري او د راتلونکي ولسمشر څخه څه تمې لري.

د دیرش دقیقې په خپرونه کې د افغانستان او نړۍ پر تازه خبرونو سربیره پر افغان میرمنو او نجونو د طالبانو په محدودیتونو او په دې اړه د عدالت نړیوالې محکمې ته د مسلې د احتمالي‌ سپارلو او د نړۍ د چارواکو په وروستیو څرګندونو بحث شوی دی.

د حایل په خپرونه کې د ملګرو ملتونو سازمان په کلنۍ غونډې او په دغه غونډه کې د افغانستان په اړه په خبرو، په ژنیو کې د افغانستان له دایمي استازي نصیر احمد اندیشه او د طالبانو د ډلې د پخواني چارواکي سید اکبر اغا سره بحث شوی دی.

د طالبانو حکومت د بریکس په غونډه کې د ګډون غوښتنه کړې او سپینې ماڼۍ ویلي چې طالبان باید تر هر څه مخکې په خپلو ژمنو عمل وکړي. ایا طالبان باید د نړۍ د لویو قدرتونو تر منځ انتخاب وکړي؟ د سپینې خبرې په خپرونه کې په همدې موضوع بحث کیږي.

د نن او وضعیت په خپرونه کې د افغانستان د کرکټ د ملي او الف لوبډلو په راتلونکو سیالیو د کرکټ د نړیوال مبصر احمد فرهاد فدايي سره خبرې شوې دي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.