TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

نن یکشنبه د امریکاغږ اشنا په خپرونه کې د مسکو په برید کې د اوکراین د لاس لرو ادعا په اړه راپور وړاندې کوو. په چمن او سپین بولدک کې د حکومت ضد د خلکو اعتراضونه اورئ او توبرکلوز یا نری رنځ ناروغۍ سره د مبارزې نړیوالې ورځ په مناسبت په افغانستان کې د دغه ناروغۍ ضد هڅو او ننګونو ته کتنه کوو.

د ملګروملتونو امنیت شورا ویلي چې ترهګري د افغانستان او نړۍ دپاره لوی خطر دی. آیا ترهګرې ډلې خپل مشخص هدفونه لري که په نیابتي جګړو کې کارول کیږي؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰