TV Schedule

د ښځو او کورنیو په روحیه باندې د کډوالۍ اغیزې، کلتوري ټکان او د کلتورونو له توپیر سره د مقابلې لارې چارې، د زیږون پرمهال د امیندوارو میندو د مړینې د مخنیوي لارې چارې، د ژبې ناروغۍ په بدن کې د نورو ناروغیو د نښو نښانو ښکاروندوی، په غزه کې د څښاک د اوبو ستونزې او د ککړو اوبو له امله رامنځته شوې ناروغۍ، د روږدیتوب او د روغتیا له نړۍ څخه نور راپورونه او خبرونه د دې اونۍ د بو علي سینا په خپرونه کې شامل دي.

د امریکاغږ اشنا د شنبې په خبري ټولګه کې د دوحې غونډې ته د ښځو د نه رابللو، امریکا کې د ټیک ټاک اپلیکشن برخلیک او په پېښور کې د موسیقۍ د نړیوالې ورځې د نمانځلو په اړه راپورونه خپرېږي.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.