TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

نن د امریکا غږ اشنا تلویزیون په خبري خپرونه کې د خپرونې د مېلمه سره د طالبانو پوځي‌ وړتیاوې راسپړو. په کابل کې د معترضو مېرمنو د اعتراضونو پر دوام رڼا اچوو. او د نورو نړیوالو خبرونو تر څنګ، د افغانستان او پاکستان د کرکټ لوبډلو ترمنځ د سیالیو د لړۍ په تړاو چې سبا ته پیلیږي رپوټ لرو او په آخر کې به په کلفورنیا کې د میشتو افغانانو غږ درواوروو چې د خپلواکۍ د ورځې د نمانځنې پر مهال یې په افغانستان کې دننه د میرمنو سره خپل پیوستون اعلان کړی دی.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰