TV Schedule

تواب ستانکزی شاوخوا دوه کاله کېږي چې امریکا ته راغلی او پدې موده کې توانېدلی چې یو نوی مسلک زده کړي او د امریکا په یو معتبر مخابراتي شرکت کې کار وکړي. د ژوند په امریکا کې په دې خپرونه کې له ستانکزی سره د هغه د زده کړې او کاري تجربو په اړه خبرې شوي.

د افغانستان د کرکټ ملي ټيم د ۲۰۲۴ کال شل اوریزو نړیوال جام سیالیو کې پخپل ګروپ کې په لومړي مقام کې دی او د لومړي پړاو وروستۍ لوبه يې د جون په شلمه د ویسټ انډیز سره ده. د حایل په خپرونه کې د افغانستان کرکټ بورډ د رئیس میرویس اشرف او د ۱۹کلنو ملي ټیم پخواني روزونکي، دولت احمدزي سره خبرې شوي.

اروپايي ټولنې د افغانانو د پناه غوښتلو لپاره هغه لارښود تصویب کړی چې د ښځو او نجونو په ګډون زیانمنوونکي ډلې په افغانستان کې د ځورونې سره مخ بولي. د امریکا غږ د سپینې خبرې په خپرونه کې پدې موضوع بحث شوی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.