TV Schedule

د بوعلي سینا په نننۍ خپرونه کې، په متحدو ایالتونو کې د حنجرې د پیوند بریالي عملیات، په بلخ کې د جلدي (پوستکي) د ناروغیو زیاتوالی، د هډوکو د کمزورتیا لاملونه او وقایه، پر ماشومانو د تریاکو ناوړه اغیزې، په افغانستان کې د پولیو د پیښو د نه پیژندلو منفي پایلې او د زیږون څخه وروسته د میندو روغتیا ته د پاملرنې د اهمیت په ګډون د روغتیا د نړۍ وروستي راپورنه کتلای شئ.‌

د امریکا غږ د اشنا د شنبې په خبري خپرونه کې د افغانستان د جګړې د ارزونې، د خیبر پښتونخوا د بنو د ولسي لاریونونو او په نیویارک کې د یو موزیم په اړه مهم خبرونه خپرېږي.

د ایران یو چارواکي ادعا کړې چې د افغانستان او پاکستان پولې ددې دواړو هیوادونو د حکومتونو په واک نه بلکې د «ترهګرو او تروریستانو» په کنترول کې دي. ایا دا ادعا څومره واقعیت لري؟ د سپینې خبرې په خپرونه کې په همدې موضوع بحث کیږي..

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.