TV Schedule

په هند کې د افغانستان پخوانی سفیر فرید ماموندزی وايي، هند د افغانستان په موجوده بحراني حالت کې فرصتونه ګوري او غواړي ورڅخه استفاده وکړي ځکه اوس یې د هند رقیبان په خپله ګټه کاروي. له امریکا غږ سره په ځانګړې مرکه کې ښاغلي ماموندزي ادعا وکړه چې هند د خپلو دښمنانو او اسلامپاله ډلو د مخنیوي لپاره طالبانو ته سیاسي باج ورکوي.

د اتصال په خپرونه کې په جرمني کې د افغان ډېپلوماتانو په استعفا، د دې استعفا په لاملونو، او د اروپايي هیوادونو او طالبانو ترمنځ د دیپلوماتیکو اړیکو په مسلې بحث شوی او همداشان د افغانستان او پاکستان ترمنځ سوداګرۍ ته هم لنډه کتنه شوې ده.

د اقلیم بدلون سره د مبارزې لپاره افغانستان ته د نړیوالو مرستو جلبولو هڅې، د منتخب جمهور رئیس ټرمپ قضایي برخلیک، په نړۍ کې د خلکو د کډوالۍ لاملونه، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د پاکستان پوځ وایي د خیبر پښتونخوا په بنو کې په دوو پیښو کې شاوخوا شل کسان وژل شوي دي. د پاکستان حکومت اکثریت وختونه ادعا کوي‌ چې ټي ټي پي په افغانستان کې پټنځایونه لري. د نن او وضعیت په خپرونه کې دا پوښتنې ځواب شوي چې ایا واقعا ټي ټي پي په افغانستان کې دی؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰