TV Schedule

د اتصال د پنجشنبې په خپرونه کې د ملګرو ملتونو د تازه سروې چې پکې په افغانستان کې د ښځو اړوند د بشري چارو فعالیتونه د طالبانو د حکومت له خوا د خنډونو سره مخ شوي د میلمنو سره پرې خبرې شوي او د مطبوعاتو د ازادۍ په موضوع هم لنډه کتنه شوې.

د طالبانو له خوا د افغانستان د پخواني حکومت او رسنیو د کارکوونکو د ځورولو په اړه د یوناما راپور، منځني ختیځ ته د بلینکن د سفر جزئیات، افغانستان کې په یوټیوب کې پر خپرونو محدودیتونه او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د مطبوعاتو د ازادۍ د نړیوالې ورځې په درشل کې "یوناما" په خپل تازه راپور کې ویلي چې په افغانستان کې خبریالان او رسنۍ د بیلابیلو ننګونو او ګواښونو سره مخ دي. د مطبوعاتو په وړاندې د طالبانو په سخت دریځ او سانسور سره په افغانستان کې د رسنیو اوسنې او راتلونکی وضعیت څنګه ارزوئ؟

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰