TV Schedule

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

افغانستان ته د مرستو رسولو په وړاندې د نویو ننګونو په اړه د ملګرو ملتونو خبرداری، د افغانستان د خپلواکۍ د بیا ګټلو د ۱۰۵مې کلیزې نمانځنې، د امریکا د ولسمشرۍ له ټاکنو وړاندې د دیموکرات ګوند ملي کنوانسیون، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

ملګري ملتونه وايي په ښځو باندې د طالبانو محدودیتونو په افغانستان کې د مرستو رسولو چارې له نویو ستونزو او ننګونو سره مخامخ کړې دي. ښځې د مرستو په رسولو کې څه ونډه لرلای شي؟ د سپینې خبرې په نننۍ خپرونې کې په همدې مسئلې غږېږو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰