TV Schedule

د اتصال په خپرونه کې د افغانستان له خاورې د ایران او پاکستان کورني امنیت ته پر احتمالي ګواښونو او ددې هیوادونو پر ادعاوو، چې د دوی په خاوره کې ترهګریز بریدونه له افغانستان څخه تنظیمیږي، خبرې شوي، او همداراز په افغانستان کې د وچکالۍ پر لاملونو او رامنځته شویو ستونزو بحث شوی دی.

د امریکا ګوندي ټاکنې، د داووس اقتصادي سرمشریزه، د تورخم په دروازه کې د تازه مېوو او سبزیجاتو د خرابېدو خبرداری، او د افغانستان او سیمې نور خبرونه د امریکا غږ اشنا تلویزیون په خبري ټولګه کې وګورئ.

د ایران د بهرنیو چارو وزیر پاکستان او د هند د بهرنیو چارو وزیر ایران ته سفرونو کې د افغانستان په موضوع خبرې کړي. ایران او هند په افغانستان کې کومې شریکې ګټې او د طالبانو له حکومت سره څه ډول اړیکې لري؟ د سپینې خبرې د نن شپې په خپرونه کې پدې هکله خبرې کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰