TV Schedule

د ژوند په امریکا کې ددې اونۍ په خپرونه کې له مسلکي آشپز فرهاد اشکیار سره خبرې شوي. ښاغلی اشکیار په افغانستان کې د ډیرو کلونو د اشپزۍ تجربه لري او امریکا ته له راتګ وروسته یې په دې برخه کې مسلکي زدکړې کړې دي.

د ملګرو ملتونو د ترهګرۍ سره د مبارزې چارواکو د امنیت شورا یوې غونډې کې خبردرای ورکړی چې په افغانستان د اسلامي دولت یا داعش - خراسان څانګه نه یوازې د سېمې، بلکې نړۍ ته لا هم یو "مهم" ګواښ ده. د دېرش دقیقو په خپرونه کې پر دې سربېره په اروپايي هیوادونو په ځانګړې توګه جرمني کې په جینايي پېښو کې د بهرنیو وګړو د لاس لرلو په اړه بحث کتلای شئ.

ملګرو ملتونو د افغانانو سره د امریکا د مالي مرستو د ځنډېدو په اړه اندېښنه ښودلې. د حایل په خپرونه کې ددې مسئلې او امریکا ته د کډوالو د تللو د پروګرام د ځنډېدلو په اړه د سیاسي چارو د شنونکي عبدالهادي فرهنګ او د مهاجرت د وکیلې شریفه عباسي سره بحث شوی دی.

د څو ورځو په تفاوت په کابل او کندز ولایتونو کې تر چاودنو وروسته د داعش ډلې د بریدونو په اړه اندیښنې زیاتې شوي دي. د سپینې خبرې په خپرونه کې په افغانستان او سېمه کې د داعش د ګواښونو د زیاتېدو په اړه د ملګرو ملتونو امنیت شورا اندیښنې هم څېړل شوې دي.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.