TV Schedule

په متوسطه طبي موسسو کې د نجونو پر زده کړو د طالبانو له بندیز وروسته پراخ ملي او نړیوال غبرګونونه، په افغانستان کې د مسلکي قابله ګانو او نرسانو د اړتیا او اهمیت په اړه مرکه، په ترافيکي پېښو کې د ټپيانو د درملنې څرنګوالی، د موټر چلوونکو لخوا د نشه يي توکو کارول، د ایدز په اړوند پوهاوي او نور صحی راپورونه او خبرونه د بوعلی سینا ددي اوني په خپرونه کی خپریږي.

د امریکاغږ اشنا د شنبې په خبري تولګه کې د طالبانو د سیاستونو په اړه د نړیوالو د اندېښنو، د سوریې د حالاتو او د افغانانو د کډوالۍ په ستونزو مهم راپورونه خپرېږي.

د طالبانو د سیاستونو په اړه د نړیوالو اندېښنې مخ په زیاتېدو دي. د ملګرو ملتونو د امنیت شورا د نجونو په تعلیم د بندیز له کبله اندېښمنه ده او اسپانیا نړیوالې محکمې ته د طالبانو حاضرول مهم بولي. نن په همدې موضوع د سپینې خبري په خپرونه کې بحث کوو

د "بشري حقونو د فعالانو" په نوم د بشري حقونو یو بنسټ ادعا کوي چې د متحده عربي اماراتو د "ابوظبۍ بشردوستانه ښارګوټي" کې د میشتو افغان کډوالو د اوسیدو په تړاو داسې ویديوګانې ترلاسه کړي چې هلته د هغوی د ناسم وضعیت ښکارندویي کوی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د کاروان خپرونه د تکنالوژۍ د نړۍ څخه په تازه او په زړه پورې خبرونو او رپوټونو سره تاسې د ننني عصر د پرمختیاو څخه خبروي. دا خپرونه هره شنبې د شپې په ۱۰:۳۰ بجو د امریکاغږ د سپوږمکۍ او ډیجیټلي خپرونو له لارې خپریږي.