TV Schedule

په افغانستان کې د اسلامي مشورتي ډلې مشر شمس الرحمن فروتن وايي چې د ګوزڼ ناروغۍ د له منځه وړلو لپاره په ټول افغانستان کې هلې ځلې پیل شوې دي. ښاغلی فروتن وايي چې لا هم په ځینو سېمو کې یو شمېر کسان د پولیو واکسین لګولو سره مخالفت کوي، خو دوی د روغتیا نړیوال سازمان په همکارۍ هڅې پیل کړي چې د خلکو د پوهاوي کچه لوړه کړي.

د اتصال په خپرونه کې په دوحه کې د طالبانو له استازو سره د ملګرو ملتونو د بشري حقونو د شورا د ځانګړي استازي ریچارډ بنیټ د لیدنې او په کابل کې د اوزلوبې د ملي سیالیو د پیلېدلو په اړه بحث شوی دی.

د اوکراین سره د امریکا د میلیاردونو ډالرو احتمالي مرستې، د امریکا لخوا د افغان چارواکو د مالي فساد پلټنه او غبرګونونه، د افغانستان د وتلې هنرمندې مېرمن قمرګل په یاد غونډه، او د افغانستان او نړۍ نور خبرونه د امریکا غږ اشنا په خبري ټولګه کې وګورئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰