TV Schedule

د ژوند په امریکا کې ددې اونۍ په خپرونه کې، د امریکا میشتو افغانانو سره د هغوی د اخترونو په اړه خبرې شوي دي.

د طالبانو د حکومت لوی درستیز ادعا کړې چې د دوی د پوځ شمېر ۱۷۲ زره دی. د دېرش دقیقو په خپرونه کې پر دې موضوع سربېره د طالبانو د مشر لخوا جګړې ته د طالب جنګیالیو هڅول، په افغانستان کې د مېرمنو د وضعیت په اړه د ملګرو ملتونو اندیښنې، او د افغانستان او نړۍ نور خبرونه خپریږي.

د حایل ددې اوونۍ په خپرونه کې په افغانستان کې د فیسبوک د بندولو او احتمالي محدودیتونو د پایلو، د بیان او رسنیو د ازادۍ لرلید او د دې احتمالي بندیزونو د مخنیوي پر لارو چارو خبرې شوې دي.

ملګري ملتونه وايي، په نړۍ کې ترټولو زیات د جنسیت په برخه کې په شاتګ په افغانستان کې لا پاتې دی. د سپینې خبرې په خپرونه کې د افغانو مېرمنو او نجونو د مبارزو اړوند د ملګرو ملتونو د څرګندونو په اړه بحث شوی.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.