TV Schedule

د ژوند په امریکا کې ددې اونۍ په خپرونه کې د کالیفورنیا ایالت په سکراومنتو ښار کې له یو شمېر افغانانو سره خبرې شوي او په دې ایالت کې د افغانانو د ژوند لوړې او ژورې، فعالیتونه، فرصتونه او هغه ننګونې څېړل شوې چې ګڼ شمېر دغه افغانان ورسره مخ دي.

د فشارونو او بندیزونو سره سره د پښتون ژغورنې غورځنګ لخوا په خیبر کې درې ورځنۍ قومي جرګه جوړه شوه. د دېرش دقیقو په خپرونه کې په دې اړه او واک ته د طالبانو له رسېدو وروسته د افغان ښځینه پولیسو په وضعیت بحثونه کتلای شئ.

د حایل په خپرونه کې د اسلام اباد او کابل ترمنځ د وروستیو لفظي شخړو او اختلافاتو په اړه بحث شوی دی.

د پښتون ژغورنې غورځنګ د اکتوبر په ۱۱مه په خیبر کې قومي جرګه رابللې ده. د سپينې خبرې په خپرونه کې ددغې جرګې پر اهدافو او پایلو بحث شوی.

د نن او وضعیت په خپرونه کې د نجونو د نړیوالې ورځې سره هم مهاله په افغانستان کې د نجونو پر زده کړه د بندیز په اړه پر تازه نړیوالو اندېښنو بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.